آخر المواضيع

السبت، 18 أبريل 2020

تبي تزول الجايحه ياوطنّا - مشعل بن محماس الحارثي




الأدب الشعبي - مشعل بن محماس الحارثي
تبي تزول الجايحه ياوطنّا
بامر الولي والشر مبعد ومنزاح
حبك سكنّا لاتحسبك سكنّا
عساك طيب ياوطنّا ومرتاح
صكّت على البلدان منّا ومنّا
جرثومةٍ ماهي بمخلاب وجناح
ولاهي بسيف ولا برمح مطنّا
خلت صروح العالم الاول اشباح
وما دام بالله العوين استعنّا
أبشر بنصره ياوطنّا والأرباح
حنّا صليب الراس والراي منّا
وإلنا على كوكب هل الارض مصباح
من لامنا في دارنا ما شحنّا
دار الملوك مروية علط الارماح
اللي بهم جزل القصيد ايتغنّا
هم والله اللي يستحقون الامداح
امدح مليك العُرب زبن المجنّا
ابوفهد سلمان في ليل وإصباح
ماقول والله ماتخليت عنّا
والله ماخليت في دارك جراح
ولاّ العدو اللي يبي يمتحنّا
تنوخه برجال واموال وسلاح

https://youtu.be/IJmKTSWC4YQ

ليست هناك تعليقات:

إرسال تعليق

من نحن

authorمدونة أماسي الثقافية , هنا كل الأدب

نموذج الاتصال

الاسم

بريد إلكتروني *

رسالة *